كلمات يا ستنا
كلمات تاج السر عباس
اداء حسن خليفة العطبراوي
صابر معاك صبرا طويل كاتم العلى
واصلو العلى ما مرَ يوم بخيال بشر
لو قلتى قيس والله قيس بالنسبة لى
لا شاف عذاب لاضاق ألم لا قاسى مر
من كم سنة يا ستنا .. من كم سنة
عايش معاك زى الغريب
وايامى لافيها الضنا
من كم سنه
قلبى الحزين زى اليتيم
لا ضاق حنان لا شاف هنا
من كم سنة ماقلت لى
اخبارك ايه مالك مشيت من حينا
لا جيتى مارة علينا يوم زرتينا يا جارة الهنا
ولا قلتى يوم أسال عليهو الزول قريبنا ومننا
معذورة يا ست البنات يا ست عذابنا وكلنا
مخلوقة انتى تعيشى فوق وتكونى فوق ماجنبنا
ما ست سماحة وست الجمال ما زى بناتنا وزينا
تعبانه ليه شان تسالى
مجبور عليك بسأل انا
اروح اجيب ضو النجوم
مصقول عقود لى بتنا
حزمة صباح وبحر عطور
وأمشاط حرير لى ستنا
اصير جميل عشان عينيك تنساب موسيقة ودندنة
شاعر عشان خاطر بسيمتك يقول حروفو عليك غنا
احساسنا ليك وشوقنا ليك لكن قلوب ماعندنا
ياست عذابنا وستنا